ဆရာငြိမ်း၏ (2.Dec.2021 မှ 8.Dec.2021)အထိတစ်ပတ်စာ ၇ရက်သားသမီး ဟောစာတမ်း.

တနင်္ဂနွေ.
ဒီတစ်ပတ်အတွင်း အတွေးမှား၊အလုပ်မှားတွေများနေတတ်ပါတယ်။ အမှန်တော့မိမိကိုယ်တိုင်က အမှားကို အမှန်မြင်နေတတ်ပါတယ်။ ကောင်းသောအတွေးအခေါ်၊ဆင်ခြင်တုံတရားရှိသူကို အကြံဉာဏ်တောင်းပြီးမှအရေး ကြီးတာဆောင်ရွက်စေချင်ပါတယ်။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
အလုပ်ပြောင်းနေရာပြောင်းကြုံရတတ်ပါတယ်။ ပြစ်ချက်ကြောင့် ရာထူးတစ် ဆင့်ကျတာမျိုး၊မကောင်းတဲ့ နေရာအပို့ခံရတာမျိုးတွေဖြစ်တတ်ပါတယ်။ လူငယ်များ အကြီးအကဲတွေနဲ့အတိုက် အခံဖြစ်ပြီး အိမ်က ထွက်သွားချင်တာမျိုးတွေဖြစ်နေတတ်ပါတယ်။ကံအားနည်းနေတဲ့ကာလပါပဲ။ ပင်ပန်းရတတ် တယ်။ ခရီးတို ခရီးရှည်တွေထွက်နေရလိမ့်မယ်။ အနီးကပ်လူယုံရဲ့ ဒုက္ခပေးခြင်းကြုံရမည်။ အောက်လက်ငယ်သား တော်လှန်ခြင်းကြုံမည်။
စီးပွားရေးအဆင်မပြေဖြစ်တတ်တယ်။ မိတ်ဆွေတွေ လုပ်ဖော်ကိုင်ဖက်တွေအနားမှာရှိပေမဲ့ မိမိကို ဒုက္ခပေးမဲ့သူသာများပါလိမ့်မည်။ ကျန်းမာရေးလဲအနည်းငယ်ညံ့နေတတ်ပါတယ်။ အာရုံကြော၊လည်ချောင်း အားနည်းတာကိုတွေ့ရပါတယ်။ ဘာသာရေးနဲ့ပတ်သက်တဲ့ ပစ္စည်းများလက်ဆောင် ရပါက ကံပြန်မြင့်လာတတ်ပါ တယ်။ ဘာသာတရားဆည်းကပ်ခြင်း၊ အလှူဒါနများများလုက်ပေးခြင်းဖြင့် အညံ့အဆိုးတွေ ပြေပျောက်ပါလိမ့်မယ်။ အချစ်ရေးအိမ်ထောင်ရေးကိစ္စတွေမှာ မိမိထင်သလိုမဖြစ်ပေမဲ့အရမ်းညံ့နေတာမျိုးမတွေ့ရတတ်ပါ။
အကျိုးပေးဂဏန်း ၅၊၉၊၁
အထူးဟော အနည်းငယ်ကံညံ့နေပါသည်
ယတြာ ဆိတ်သားဟင်းအကျန်နဲ့ ထမင်းနဲ့နယ်ပြီး လမ်းဘေးခွေးလေခွေးလွင့်တွေကို ကျွေးလိုက်ပါ။

တနင်္လာ
ကျန်းမာရေးအတွက်သာ ဒီအပတ်က စိတ်ပူဖို့လိုပါတယ်။ ငွေကုန်စရာရှိလဲ ကျန်းမာရေးကြောင့်ငွေကုန်ဖို့ များနေတတ်ပါတယ်။ အလုပ်ပြောင်း၊နေရာပြောင်း၊ဌာနပြောင်းဆိုတာမျိုးတွေလဲ ကြုံရတတ်ပါတယ်။ ဖိအားတွေ၊ စိတ်ဖိစီးမှုတွေများတတ်သလို customer တွေရဲ့ complain တွေလဲ ခေါင်းခံဖြေရှင်းရတတ်ပါတယ်။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
အရည်နဲ့ပတ် သက်ပြီးအားနည်းနေချိန်မို့ အရက်၊ပင်လယ်စာ၊ရေထွက်ပစ္စည်းတွေစားသုံးခြင်း၊ရေလမ်းခရီးသွားခြင်းတွေအထူး ရှောင်ပါ။လူငယ်များ မေတ္တာရေးကိစ္စတွေမှာ ကြေကွဲစရာ၊ဝမ်းနည်းစရာတွေကြုံရတတ်ပါတယ်။

ကိုယ်ချစ်ရသူက တစ်ခြားသူနဲ့ လက်ထပ်တော့မဲ့သတင်းတွေလဲကြားရတတ်ပါတယ်။ ကိုယ်ခံအားနည်းနေတတ်တယ်။ စိတ်ရော ကိုယ်ပါ ပင်ပန်းရခြင်းတွေကြုံရမည်။ အိမ်ထောင်သည်များ စုတ်ကိစ္စ ရှုပ်ထွေးမှုတွေကြောင့် အိမ်ထောင်ရေး ကတောက် ကဆဖြစ်မည်။ လူငယ်တွေ လူကြီးမိဘတွေရဲ့ ဆူပူမှုကြောင့် အိမ်မကပ်ချင်ဖြစ်နေမည်။ နှလုံးသား ရေး ကိစ္စ ၊အချစ်ရေးကိစ္စတွေတော့အသစ်တွေ့ရလိမ့်မယ်။ ခရီးဝေးသွားဖို့ အကြောင်းဖန်လာရင် မသွားတာပို ကောင်းပါ လိမ့်မယ်။ ခရီးဝေးသွားလိုက်ပါက ကျန်းမာရေးညံ့သွားတတ်လို့ပါပဲ။ တတ်နိုင်သမျှ လှုပ်လှုပ်ရှားရှားသိပ်ပြီး မလုပ် သင့် တဲ့အချိန်ပါပဲ။ ရန်များခြင်း၊ခိုက်ရန်ဖြစ်ပွားခြင်းကိစ္စတွေမှာ မိမိကြားဝင်ပါလာခြင်းမျိုးကြုံရတတ်၍ အိမ်မှာ GAMEဆော့နေတာက ရန်ကင်းပါလိမ့်မယ်။
အကျိုးပေးဂဏန်း ၉၊၁၊၀
အထူးဟော ကံအားနည်းနေသည်။
ယတြာ လက်ဖက်လေးကို ကြွေပန်းကန်တစ်ချပ်ထဲ ၉ပုံပုံပြီး ဘုရားကပ်လှူပါ။

အင်္ဂါ
ကံကောင်းနေတယ်လို့ပြောလို့ရပေမဲ့..အဓိကတော့ ကိုယ့်ရဲ့ကြိုးစားအားထုတ်မှုရဲ့ အသီးအပွင့်တွေဒီအပတ် ထဲခံစားရတတ်ပါတယ်။ ငွေရှာလို့ကောင်းသလို ငွေရဖို့ အလုပ်လဲ မနားမနေလုပ်နေရတတ်ပါတယ်။ ဒါကြောင့်အား ရှိအောင်နေထိုင်စားသောက်ပြီး အလုပ်ကြောင့် ကိုယ်မပန်းအောင်နေထိုင်ဖို့အထူးလိုအပ်ပါတယ်။စီးပွားရေးနဲ့ပတ် သက်တဲ့ မိတ်ဆွေကောင်းတွေရလာတတ်ပါတယ်။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
စက်ပစ္စည်း၊အိုင်တီပစ္စည်းတွေ ဝယ်မယ်ဆိုဒီကာလမှာ ဝယ်ရင် အထူးအကျိုးပေးပါတယ်။ မိမိလုပ်ငန်းအတွက် ဝန်ထမ်းတွေခန့်မယ်ဆို ဒီကာလမှာ အင်တာဗျူးလုပ်ပြီးစခန့်လို့ ကောင်းပါတယ်။ ဇာတာရှင်အနေနဲ့က ဒီတစ်ပတ်အညံ့အဆိုးကင်းနေပါတယ်။ အဘက်ဘက်ကအဆင်ပြေမှုတွေ ကြုံရ ပါလိမ့်မယ်။ အိမ်ခြံမြေကိစ္စ ၊အလုပ်ကိစ္စအထူးအဆင်ပြေမယ်။ ကံစမ်းမဲပေါက်ခြင်း၊ငွေအစုလိုက်ဝင်ခြင်း တွေရှိနိုင်တဲ့ကာလပါ။ ထီထိုးလို့အကောင်းဆုံးအချိန်ပါပဲ။၁အစ၊ ၀ အစ ထီထိုးပါ။ ဒီကာလအတွင်းအနီရောင် များများပါသောအဝတ်ကို အားပြုဝတ်ဆင်ပါ။ ကျန်းမာရေးတော့ အနည်းငယ်အားနည်းလာနိုင်စရာရှိနေပါတယ်။ အချစ်ရေးကအဆင်ပြေလိုက် မပြေလိုက်ဖြစ်နေမဲ့အချိန်ပါ။ စီးပွားရေးအထူးကောင်းလာနိုင်ပါတယ်။ ဘာသာရေး ကိစ္စ၊ပရဟိတ ကိစ္စတွေမှာလဲ ဝင်ရောက်ကူညီရတတ်ပါတယ်။
အကျိုးပေးဂဏန်း ၇၊၀၊၁
အထူးဟော ကံအထူးကောင်းသည်။
ယတြာ အုန်းသီးစိပ်လေး ၆စိပ်ကပ်လှူလိုက်ပါ

ဗုဒ္ဓဟူး/ရာဟု
ငွေရှာနေသူများ ငွေရလာလိမ့်မယ်။ ငွေကံနီးတဲ့ ကာလအပိုင်းအခြားပါပဲ။ ငွေကြေးအတွက်ပူပန်သောက တွေပြေလည်ဖို့အထူးအကြောင်းဖန်လာတတ်ပါတယ်။အတတ်ပညာကောင်း၊အသိပညာကောင်းတွေရလာတတ်ပါ တယ်။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
လူမှုဆက်ဆံရေးကိစ္စတွေ ညှိနှိုင်းဆောင်ရွက်တဲ့ကိစ္စတွေပြေလည်မှုတွေရလာတတ်ပါတယ်။ သားသမီးရဲ့ အကူအညီအထောက်အပံ့တွေရလာတတ်ပါတယ်။ မိမိခန္ဓာကိုယ်ကို အလှပြုပြင်ခြင်းများ၊ မျက်နှာ၊ဆံပင်အလှ ပြုပြင်ခြင်းများဆောင်ရွက်လို့အထူးကောင်းပါတယ်။မေတ္တာရေးကိစ္စ ၊အချစ်ရေးကိစ္စ တွေနဲ့ပတ်သက်ပြီးကြီး ကျယ်စွာ သောက ရောက်တတ်တယ်။

အထင်လွဲမှုတွေ၊စိတ်ဝမ်းကွဲမှုတွေ ကြုံလာစရာရှိနေပါတယ်။ အိမ်ထောင် သည် တွေအနေနဲ့လဲ အိမ်ထောင်ရေးသာယာချမ်းမြေ့မှုနည်းတတ်ပါတယ်။ လက်ရှိအလုပ်ကလွဲပြီး တိုးချဲ့လုပ် ကိုင် ခြင်း ၊စီးပွားချဲ့ခြင်းမလုပ်ပါနဲ့အုံး။ ကျန်းမာရေးဒေါင်ဒေါင်မည်နေပါလိမ့်မယ်။ ငွေကြေးကိစ္စ၊ စပ်တူရှယ်ရာကိစ္စ အဆင်ပြေမည်။ ကျောက်လုပ်ငန်း၊ အဖျော်ယမကာလုပ်ငန်း ၊ငါးလုပ်ငန်း ၊ရေထွက်ပစ္စည်းဆက်စပ်လုပ်ငန်း လုပ်ကိုင်နေသူများအထူးအကျိုးဖြစ်ထွန်းမည်။ ဘာသာရေးနဲ့ပတ်သက်သောအလုပ်များ ကူညီလုပ်ကိုင်ပေးခြင်းဖြင့် ကံကောင်းခြင်းတွေရယူလိုက်ပါ။
အကျိုးပေးဂဏန်း ၆၊၂၊၅
အထူးဟော လူမှုရေးကိစ္စ၊အချစ်ရေးကိစ္စများအထူးညံ့သည်။
ယတြာ ဂန္ဓာမာပန်းလေး ၇ပွင့် ဘုရား ကပ်လှူပါ။

ကြာသပတေး
အခက်အခဲလို့ ပြောနိုင်တာက ငွေကြေးပါ။ ငွေကံသိပ်ညံ့နေတဲ့အချိန်တွေလို့ ဒီအပတ်ကိုပြောလို့ရပါတယ်။ အတွေးအခေါ်ဉာဏ်ပညာအားနည်းနေတတ်ပါတယ်။ အပျော်အပါးအတွက် အချိန်ကုန်နေတတ်ပါတယ်။ကောင်းတဲ့ အကြံဉာဏ်တွေရပေမဲ့ မိမိကိုဆရာလာလုပ်တယ်လို့ ကိုယ်တိုင်က လွဲမှားစွာထင်နေမိတတ်ပါတယ်။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
လက်ကား အလုပ်များ၊ငွေကုန်မြုပ်နှံရတဲ့အလုပ်များထင်သလိုအဆင်မပြေတတ်ပါဘူး။ မိမိလေးစားရတဲ့ဆရာသမားတွေရဲ့ နာ ရေးသတင်းတွေကြားရတတ်ပါတယ်။ နည်းနည်းတော့ စိတ်ညစ်ရမဲ့ကာလပါပဲ။ အလိုလိုနေရင်းစိတ်ရှုပ်နေတတ် သည်။ သူများကိစ္စ ကြားကနေ ဖြေရှင်းပေးရတတ်သည်။ ဓားခုတ်ရာလက်ရှိုတာမျိုးကြုံရတတ်သည်။ သီးသန့် နေ ခြင်း အများနဲ့ကင်းကင်းနေခြင်းက ဒီတစ်ပတ်အတွက် အကောင်းဆုံးဖြစ်လာပါလိမ့်မယ်။ လုပ်ငန်းစီးပွားလဲ အား နည်းနေ တတ်တယ်။ ကိုယ်ပိုင်လုပ်ငန်းရှင်များအလုပ်ပါးနေတတ်တယ်။ ငွေကလဲ အဝင်ထက် အထက်များနေ တတ်ပါတယ်။ ကံညံ့မှုတွေကြားထဲက ကံကောင်းခြင်းလို့ပြောရမဲ့ကိစ္စကတော့ အချစ်ရေးကိစ္စများ ၊ မေတ္တာရေးကိစ္စ များ ချောမွေ့ပါလိမ့်မယ်။အားပေးမဲ့ချစ်သူ အနားမှာရှိမဲ့အချိန်လေးပါပဲ။ပညာရေးနဲ့ဆိုင်သောအလုပ်များ အဆင်ပြေ တတ်ပါတယ်။ဒီတစ်ပတ်မှာ ရာထူးစာမေးပွဲ၊အင်တာဗျူးကိစ္စတွေရှိရင် ရလဒ်ကောင်းတတ်ပါတယ်။
အကျိုးပေးဂဏန်း - ၅၊၁၊၂
အထူးဟော -ကံညံ့နေပါတယ်။
ယတြာ - စံပယ်ပန်းဘုရားတင်လှူလိုက်ပါ။

သောကြာ
စိတ်ချမ်းမြေ့စရာသတင်းကောင်းတွေရလာတတ်ပါတယ်။ မိသားစုအတွင်း စိတ်ချမ်းသာမှုတွေအပြည့်အဝ ရလာတတ်ပါတယ်။ ကောင်းသောခရီး၊မင်္ဂလာရှိသောခရီးတွေသွားရတတ်ပါတယ်။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
ငွေကံကောင်းပေမဲ့ ငွေကြေးနဲ့ ပတ်သက်ပြီး အကူအညီတွေမိမိကပေးမိရင် (သူများကိုပိုက်ဆံချေးမိရင်တော့ ) ပြန်ရဖို့ခက်ခဲတတ်ပါတယ်။ အလုပ်ကံကောင်းလာတတ်ပါတယ်။ ရပ်ဝေးကအလုပ်တွေအခြေအနေကောင်းပါတယ်။ စန်းအားကောင်းပြီးလူချစ် လူခင်များနေတတ်ပါတယ်။ လူကြီးသူမတွေကူညီခြင်းကြုံရတတ်သလို၊ မိမိကိုစောင့်ရှောက်တဲ့ပုဂ္ဂိုလ်တွေရဲ့ မစ ခြင်းတွေကိုလဲ ကြုံရနိုင်ပါသေးတယ်။

မနာလိုခြင်း ၊အတိုက်အခိုက်ခံရခြင်း၊မိမိကိုချောက် ချခြင်းတွေကြုံရပါလိမ့် မယ်။ နေရာလုခြင်း မျိုးတွေလဲတွေ့ရပါလိမ့်မယ်။ မေတ္တာတရားနဲ့သာ ဖြေရှင်းပါ။ မိမိသာအနိုင်ရပါလိမ့်မည်။ ဒီကာလအတွင်း အိမ်အတွက် ၊မိသားစုအတွက် ပူပန်ရတတ်ပါတယ်။ လူငယ်တွေအတွက်ကတော့ အချစ်ရေး အဆင်ပြေမဲ့ကာလပါ။လက်ထပ်ဖို့ ကိစ္စတော်တော်များများအလေးပေးဆောင်ရွက်လို့ အထူးကောင်းတာကို တွေ့ ရပါ တယ်။ပညာရေးအထူးကောင်းမည်။ ကျန်းမာရေးကတော့ တရှောင်ရှောင်ဖြစ်လွယ်ပါသည်။ ဒီကာလအတွင်း အဖြူ ရောင်များများပါသော အဝတ်အစားများအားပြုဝတ်ဆင်သင့်ပါတယ်ဗျ။
အကျိုးပေးဂဏန်း -၈၊၄၊၅
အထူးဟော -ကံသင့်ပါသည်။
ယတြာ -တနင်္လာသားတစ်ယောက်ကို ဒိန်ချဉ် လက်ဆောင်ပေးလိုက်ပါ။

စနေ
စီးပွားရေးအတွက် စွန့်စွန့်စားစားလုပ်ကိုင်ချင်နေတာမျိုးဆို ဒီကာလမှာလုပ်လို့ကောင်းပါတယ်။ ငွေကြေးနဲ့ ပတ်သက်သောအကူအညီတွေရလာနိုင်ပါတယ်။စုတ်အားတွေကောင်းနေတာမျိုး အိမ်ထောင်သည်များလိင်ကိစ္စ တွေသတိထားရှောင်ပါ။
ဗေဒင်တွေ ပုံမှန်ဖတ်နိုင်ရန် ဗေဒင်ဝါသနာအိုး မူရင်း Page လေးကို Like လုပ်ပြီး အားပေးနိုင်ပါတယ်
အောက်လက်ငယ်သားတွေကိုအားကိုးရမဲ့ကာလပါပဲ။ ခရီးတိုလေးတွေမထင်မှတ်ဘဲသွားရ တတ်ပါတယ်။ မိသားစုစီးပွားရေးများ၊ အိမ်တွင်းအလုပ်များတိုးတတ်လာဖွယ်ရှိနေတာကိုတွေ့ရပါတယ်။စီးပွားရေး၊ အလုပ်အကိုင် တဟုန်ထိုးတိုးတတ်မည်။ လုပ်လို့ကိုင်လို့ အလွန်အဆင်ပြေနေချိန်ပါပဲ။ဝန်ထမ်းဆိုရင်တောင် ဘေး ပေါက်အလုပ်လေးတွေကြောင့် အဆင်ပြေလိမ့်မယ်။ ကိုယ်ပိုင်စီးပွားရေးလုပ်သူများ လုပ်ငန်းချဲ့ထွင်နိုင် လိမ့် မည်။ ငွေလဲ အဘက်ဘက်ကဝင်နေမဲ့အချိန်ပါပဲ။ မိတ်ဆွေ၊သူငယ်ချင်း၊လူကြီးသူမများရဲ့အကူအညီတွေအများကြီး ရခြင်း ကြောင့် ပိုပြီးအဆင့်မြင့်တဲ့နေရာကိုတက်လှမ်းနိုင်မည်။ ကျန်းမာရေးညံ့ဖျင်းနေမှုတွေလဲ ဒီကာလမှာပိန်းကြာရွက် ပေါ် ရေမတင်သကဲ့သို့ လျော့ကျ ပျောက်ကင်းသွားပါလိမ့်မယ်။ ပညာရေးကိစ္စ၊ အင်တာဗျူး ကိစ္စ၊သင်တန်းကိစ္စတွေ လဲအဆင်ပြေချောမွေ့ပါလိမ့်မယ်။ အချစ်ရေးကိစ္စတွေမှာ နားလည်မှုပေးတဲ့ချစ်သူကြောင့်စိတ်ချမ်းသာခွင့်ရတတ်ပါ တယ်။ အိမ်ထောင်သည်များ လိင်မတူသူ တစ်စိမ်းတွေနဲ့ နီးနီးကပ်ကပ်နေထိုင်ခြင်းမျိုးမပြုလုပ်သင့်ပါ။
အကျိုးပေးဂဏန်း ၁၊၅၊၄
အထူးဟော ကံမြင့်နေသည်။
ယတြာ အပွင့်ပါသောပန်းပေါင်းစုံ၅မျိုး ဘုရားကပ်လှူလိုက်ပါ။
၇ရက်သားသမီးအပေါင်း ရန်သူမျိုးငါးပါးဘေးမှ ကင်းဝေးနိုင်ကြပါစေ
ဆရာငြိမ်းအေးလူ(ဗေဒင်သုတေသီ)