ဦးဝဏ္ဏမောင်လွင် ထိုင်းနိုင်ငံသို့ ရောက်ရှိနေ

------..

စစ်ကောင်စီ၏ နိုင်ငံခြားရေးဝန်ကြီး ဦးဝဏ္ဏမောင်လွင်သည် အာဏာသိမ်းသည့်ကိစ္စနှင့်ပတ်သက်၍ သံရေးတမန်ရေးဆွေးနွေးရန်အတွက် ထိုင်းနိုင်ငံသို့ ရောက်ရှိနေကြောင်း ရိုက်တာသတင်းအရ သိရသည်။

စစ်အာဏာသိမ်းပြီးနောက် အဖြေရှာရေး အရှေ့တောင်အာရှနိုင်ငံများအသင်း (အာဆီယံ) နှင့် တွဲလုပ်ဖို့ကြိုးစားသည့် ဆွေးနွေးမှုများအတွက် ဦးဝဏ္ဏမောင်လွင်သည် ယနေ့ ဗုဒ္ဓဟူးနေ့က ရောက်လာခဲ့ခြင်းဖြစ်သည်ဟု ဆိုသည်။

တစ်ချိန်တည်းမှာပင် မြန်မာနိုင်ငံသို့ ကြာသပတေးနေ့တွင် လာရောက်လည်ပတ်ရန်စီစဉ်ခဲ့သော အင်ဒိုနီးရှား နိုင်ငံခြားရေးဝန်ကြီး ရတ်နို မာဆူဒီ၏ခရီးစဉ်ကို ဖျက်သိမ်းကြောင်း အင်ဒိုနီးရှားနိုင်ငံခြားရေးဝန်ကြီးဌာနက ဗုဒ္ဓဟူးနေ့တွင် ကြေညာလိုက်သည်။

အင်ဒိုနီးရှား နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Teuku Faizasyah က မစ္စရတ်နိုအနေဖြင့် အာဆီယံ အဆင့် အဖြေရှာရေး လုပ်ဆောင်ဖို့ နေပြည်တော်ကို သွားဖို့အစီအစဉ်ကို လမ်းဖွင့်ထားပါကြောင်းနှင့် " ယခုအချိန်ကတော့ မြန်မာပြည်ကိုသွားလည်ဖို့ အချိန်ကောင်းမဟုတ်ပါ"ဟု ပြောကြားသည်။

ဦးဝဏၰေမာင္လြင္ ထိုင္းႏိုင္ငံသို႔ ေရာက္ရွိေန

------

စစ္ေကာင္စီ၏ ႏိုင္ငံျခားေရးဝန္ႀကီး ဦးဝဏၰေမာင္လြင္သည္ အာဏာသိမ္းသည့္ကိစၥႏွင့္ပတ္သက္၍ သံေရးတမန္ေရးေဆြးေႏြးရန္အတြက္ ထိုင္းႏိုင္ငံသို႔ ေရာက္ရွိေနေၾကာင္း ႐ိုက္တာသတင္းအရ သိရသည္။

စစ္အာဏာသိမ္းၿပီးေနာက္ အေျဖရွာေရး အေရွ႕ေတာင္အာရွႏိုင္ငံမ်ားအသင္း (အာဆီယံ) ႏွင့္ တြဲလုပ္ဖို႔ႀကိဳးစားသည့္ ေဆြးေႏြးမႈမ်ားအတြက္ ဦးဝဏၰေမာင္လြင္သည္ ယေန႔ ဗုဒၶဟူးေန႔က ေရာက္လာခဲ့ျခင္းျဖစ္သည္ဟု ဆိုသည္။

တစ္ခ်ိန္တည္းမွာပင္ ျမန္မာႏိုင္ငံသို႔ ၾကာသပေတးေန႔တြင္ လာေရာက္လည္ပတ္ရန္စီစဥ္ခဲ့ေသာ အင္ဒိုနီးရွား ႏိုင္ငံျခားေရးဝန္ႀကီး ရတ္ႏို မာဆူဒီ၏ခရီးစဥ္ကို ဖ်က္သိမ္းေၾကာင္း အင္ဒိုနီးရွားႏိုင္ငံျခားေရးဝန္ႀကီးဌာနက ဗုဒၶဟူးေန႔တြင္ ေၾကညာလိုက္သည္။

အင္ဒိုနီးရွား ႏိုင္ငံျခားေရးဝန္ႀကီးဌာန ေျပာခြင့္ရပုဂၢိဳလ္ Teuku Faizasyah က မစၥရတ္ႏိုအေနျဖင့္ အာဆီယံ အဆင့္ အေျဖရွာေရး လုပ္ေဆာင္ဖို႔ ေနျပည္ေတာ္ကို သြားဖို႔အစီအစဥ္ကို လမ္းဖြင့္ထားပါေၾကာင္းႏွင့္ " ယခုအခ်ိန္ကေတာ့ ျမန္မာျပည္ကိုသြားလည္ဖို႔ အခ်ိန္ေကာင္းမဟုတ္ပါ"ဟု ေျပာၾကားသည္။